«Ана тілім – айбыным»
Әзімбек Ысмайылұлыатындағы орта мектебінде өткізілген сыныптан тыс іс - шара «Ана тілім – айбыным»
ХХ ғасырдағы қазақ рухани мәдениетіндегі көшбасшыларының бірі болған Ахмет Байтұрсынұлы : «Өз тілімен сөйлескен, өз тілімен жазған жұрттың ұлттығы еш уақытта адамы құрымай жоғалмайды. Ұлттың сақталуына да, жоғалуына да себеп болатын нәрсенің ең қуаттысы – тілі» деген екен. Осыған орай«Қазақстан халқы тілдері күні» мерекесіне өткізілетін іс-шаралар жоспарын жүзеге асыру мақсатында 3-4 сынып оқушылары арасында «Ана тілім – айбыным»тақырыбында Әзімбек Ысмайылұлы атындағы орта мектебінде сыныптан тыс іс-шара өткізілді.Аталмыш іс-шараға жақын орналасқан Қапал ауылының бастауыш 4 -сынып оқушылары да қатысты.
Салтанатты кешімізде Қазақстан Республикасының Мемлекеттік Гимні орындалды.
Сыныптан тыс іс-шараны Бота Бейсенованың «Ана тілі» әнімен4- сынып оқушылары бастап, мерекелік кешімізді жүргізді. Іс-шарада 3 «А» сынып оқушылары «Бізге тіл не үшін керек?» тақырыбында диалог құрып, халқымыздың кемеңгер ақын жазушылары: Ғабит Мүсірепов, Тұрсынхан Абдірахманова, Әли Әпекұлы,Әбділда Тәжібаевтың өлең шұмақтарын мәнерлеп оқып берді. Онда, 4 «А» мен 4 «Ә» сынып оқушылары «Қазақ тілі – қазынам» көрінісі де көпшілік көңілінен шықты.Ал, ұзақ өлең шұмақтарын:Нұрслан Диар, Алтынбек Мадина, Ташай Анел, Совет Нұрдәулет, Бейімбет Ғанимат, Әзімбай Балнұр, Бөген Инабат сияқты оқушылар өлеңді мәнерлеп, нақышына келтіріп оқып берді. Соның ішінде мектепішілік өткізілген шығарма байқауының жеңімпаздары: 3 «А» сынып оқушылары Қамысбай Нұрай мен Өктембай Балжан, 4 «А» сынып оқушысы Алтынбек Мадинаның жазған шығармалары оқылып, көрермендердің жүректерін толқытты. Мерекелік іс-шара соңында 4-сынып оқушылары Төреғали Төреәлінің «Қазақ тілі» әнімен аяқтады.
Мектеп директорының тәрбие ісі жөніндегі орынбасары Б.Т. Бейсенова «Тіл тағдыры – ел тағдыры. Әрбір адам өз ана тілін білуге және мемлекеттік тілді меңгеруге міндетті» деп, оқушыларға жылы лебіздерін айтты.Жауапкершілікпен қарап, атсалысып жүрген сынып жетекшілеріне Гүлзат Қонарбаева, Естиева Гульшат,Толқынбекова Ләйлә, Қапал бастауыш сынып мұғалімдері Есенбекова Алтынай мен Қазанбасова Майраға алғысын білдірді.
Бастауыш бірлестігінің жетекшісі:Г.Е.Сейдилдаева
